លោក យូ ហេង មេសាខាគយខេត្តបាត់ដំបង កាន់តំណែងដុះស្លែល្បីកាន់តែខ្លាំងរឿងប្រមូលលុយពីទំនិញគេចពន្ធនិងទំនិញខូចគុណភាព?
.jpg)
តាមច្រករបៀបនឹងការច្រកព្រំដែនអន្តរជាតិមនៅក្នុងខេត្តបាត់ដំបងត្រូវគេរាយការណ៍ថាមានទំនិញគេចពន្ធនាំចូលពីប្រទេសថៃ ជារៀងរាល់ថ្ងៃ។ តើអស់លោកមន្ត្រីមានសមត្ថកិច្ចតួយ៉ាងដូចជា គយកំពុងធ្វើអ្វី? ទំនិញ គេចពន្ធគឺជារឿងមួយ ប៉ុន្តែខូចគុណភាពតួយ៉ាងដូចជាក្នុងជ្រូក,មាន់,ទា..ដែលធ្វើឲ្យប៉ះពាល់ដល់សុខភាពប្រជាពលរដ្ឋអ្នកប្រើប្រាស់ក្នុងផ្ទៃប្រទេស គឺជារឿងមួយ ទៀត។ រីឯបញ្ហាទំនិញគេចពន្ធគឺគេអាចមើលឃើញដោយភ្នែកទទេបាន ជាពិសេសម៉ូតូទំនើបៗដែលនាំចូលពីប្រទេសថៃ។ មន្ត្រីគយស្ងាត់ៗឈឹង។
ប្រភពព័ត៌មានឲ្យដឹងថា មេគយប្រចាំខេត្តបាត់ដំបង លោក យូ ហេង ល្បីកាន់តែខ្លាំងរឿងប្រមូលលុយតាម របៀបពុករលួយមិនញញើតអង្គភាពប្រឆាំងអំពើពុក រលួយនោះឡើយ។ ក្រោយពេលទទួលបានតំណែងជាប្រធានសាខាគយខេត្តបាត់ដំបង រហូតមកដល់ពេល នេះ លោក យូ ហេង ប្រើតួនាទី និងអំណាចប្រមូលលុយតាមរបៀបពុករលួយយ៉ាងពេញបន្ទុក។ លោក យូ ហេង បណ្ដោយឲ្យមេៗគយតាមច្រកព្រំដែនក្នុងស្រុកកំរៀង,ស្រុកភ្នំព្រឹក និងស្រុកសំពៅលូន ធ្វើអ្វីៗតាមអំពើ ចិត្ត។ ការដែលលោក យូ ហេង ប្រធានសាខាគយខេត្តបាត់ ដំបង មិនញញើតក្នុងការសាងភាពល្បីល្បាញខាងពុករលួយដោយសារអាងមានខ្នងបង្អែករឹងមាំនៅក្នុងអគ្គនាយកដ្ឋានគយ និងរដ្ឋាករកម្ពុជា។
ប្រភពបានឲ្យដឹងថា ឈ្មួញធំៗដែលរកស៊ីនាំចូលទំនិញពីប្រទេសថៃ តាមច្រកព្រំដែនក្នុងស្រុកកំរៀង ស្រុកសំពៅលូន ស្រុកភ្នំព្រឹក និងស្រុកសំឡូត សុទ្ធតែមានទំនាក់ ទំនងជិតស្និទ្ធជាមួយលោក យូ ហេង ។ ទំនិញដែលឈ្មួញធំៗនាំចូលតាមច្រកព្រំដែនកម្ពុជា-ថៃក្នុងខេត្តបាត់ដំបងបង់ពន្ធមិនដល់៥០ភាគរយផងទេ? ក្រៅ ពីនេះគឺឈ្មួញបែងចែកផលប្រយោជន៍ជាមួយមន្ត្រីគយពុករលួយដែលមានលោក យូ ហេង ជាបង្អែក។ ចាប់ តាំងពីឆ្នាំ២០១៩ រហូតមក អំពើពុករលួយរបស់លោក យូ ហេង និងមេៗគយតាមបណ្តាច្រកព្រំដែនក្នុងខេត្ត បាត់ដំបង ត្រូវបានលាតត្រដាងជាបន្តបន្ទាប់។
នៅច្រកទ្វារអន្តរជាតិដូងស្រុកកំរៀង ខេត្តបាត់ដំបង បានឲ្យដឹងថា បច្ចុប្បន្នប្រធានការិយាល័យគយច្រកនេះនៅតែបើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងរលូននិងជាចំហ។ ការដែលលោក ប្រធានការិយាល័យគយច្រកទ្វារអន្តរជាតិដូង ហ៊ានធ្វើអ្វីៗតាមអំពើចិត្ត គឺដោយសារមាន ការបិទភ្នែកពីសំណាក់លោក យូ ហេង ប្រធានសាខាគយខេត្តបាត់ដំបងដែលជាមេ។ ដូចគ្នានេះដែរ មេៗគយតាមច្រកព្រំដែនក្នុងស្រុកសំពៅលូន ស្រុកភ្នំព្រឹក និងស្រុកសំឡូត ក៏បើកដៃឲ្យឈ្មួញនាំចូលទំនិញគេច ពន្ធ ទំនិញបង់ពន្ធមិនគ្រប់ និងទំនិញខុសច្បាប់ យ៉ាងពេញបន្ទុកផងដែរ ព្រោះអាងមានលោក យូ ហេង ជាបង្អែកចាំជួយ ការពារគ្រប់ពេលវេលា។
បញ្ហាទំនិញគេចពន្ធគឺជារឿងដ៏សំខាន់មួយ ប៉ុន្តែបញ្ហាទំនិញខូចគុណភាព ដែលត្រូវនាំចូលតាមបណ្ដាច្រក ព្រំដែនខ្មែរ-សៀមក្នុងខេត្តបាត់ដំបងគឺជារឿងមួយដែលក្រុមមន្ត្រីគយ មិនបានបង្ក្រាបឬចូលរួមសហការបង្ក្រាបនោះទេ។ ដោយសំអាងថា មិនមែនជាតួនាទីរបស់ខ្លួនប៉ុន្តែមន្ត្រីគយទាំងនេះ តែងតែយកលុយពីឈ្មួញដឹក ទំនិញខូចគុណភាពពីប្រទេសថៃមកមិនអាក់ខានទេ។ ប្រជាពលរដ្ឋសង្ឃឹមថា ថ្នាក់ដឹកនាំនឹងពិនិត្យមើលករណីទំនិញគុណនិងទំនិញខូចគុណភាពនាំចូលតាមច្រកព្រំដែនខេត្តបាត់ដំបងនោះឡើងវិញ៕
