ប្រភពពីអាជីវករនិងឈ្មួញខេត្តព្រះសីហនុបានអោយដឹងថា លោក សុំ សុវណ្ណារិទ្ធ មេសាខាគយនិងរដ្ឋាករខេត្តព្រះសីហនុ បើកភ្លើងខៀវអោយឈ្មួញនាំទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់ពីប្រទេសជិតខាងចូលជា ចំហតាមលំហរសមុទ្រយ៉ាងគគ្រឹកគគ្រេង ន៎រណាមិននិយាយថា មេសាខាគយនិងរដ្ឋាករខេត្តព្រះសីហនុ ត្រូវប៉ាន់ជាងគេ?ត្រូវប៉ាន់ព្រោះមានច្រកចេញចូលច្រើនហើយមានសុវត្ថិភាពទៀតដោយមិនខ្លាចឈ្មួញរត់គេចតាមច្រកណាផ្សេងទៀតឡើយ។ហេតុដូច្នេះហើយបានជាគេនិយាយថាលោក សំ សុវណ្ណារិទ្ធ មេសាខាគយនិងរដ្ឋាករខេត្តព្រះសីហនុ កំពុងកាក់កបនៃប្រភពចំណូលហិរញ្ញវត្ថុដ៏សំខាន់សម្រាប់ថ្នាក់ដឹកនាំនៅក្រសួងសេដ្ឋកិច្ចនិងហិរញ្ញវត្ថុ ដោយសារតែជាប្រភពចំណូលសម្រាប់ថ្នាក់ដឹកនាំនេះហើយ ទើបបានជាគ្មានន៎រណាសួរនាំរឿងលោក សំ សុវណ្ណារិទ្ធ នោះដែរ បើទោះបីជាមានបញ្ហាបែកធ្លាយភាពមិនប្រក្រតីឬប្រព្រឹត្តរបៀបអំពើពុករលួយជា ច្រើនក៏ដោយក៍គ្មានន៎ណាហ៊ានធ្វើអ្វីឬប៉ះពាល់លោក សំ សុវណ្ណរិទ្ធ មេសាខាគយនិងរដ្ឋាករខេត្តព្រះសីហនុបានឡើយព្រោះមានខ្នងបង្អែករឹងមាំ ក្រសួង។ប្រភពបានឲ្យដឹងថា ទាំងច្រកកំពង់ផែអន្តរជាតិក៏ដូចជាច្រកទំនប់រលកជាដើមនោះលោក សំ សុវណ្ណារិទ្ធ មិនចាំបាច់ប្រចាំការនៅកន្លែងធ្វើការគ្រប់ពេលវេលានោះទេ! ពីព្រោះពួកឈ្មួញនិងមន្ត្រីគយសុទ្ធតែជាអ្នកស្គាល់គ្នា ដូចអណ្ដាតនិងធ្មេញទៅហើយនោះ។ មិនចាំ បាច់ត្រួតពិនិត្យទំនិញឲ្យបានមាត់ចត់អ្វីនោះឡើយគឺគ្រាន់តែពិនិត្យមើលឯកសារបន្តិចបន្តួចរួចជាការស្រេច រីឯបញ្ហាសេវាក្រៅ គឺគេទាក់ទងគ្នាតាមប្រព័ន្ធទូរសព្ទ័ បានយ៉ាងល្អប្រសើរ។ ក្រុមឈ្មួញអ្នករកស៊ីគឺមិនអាចគេច វេសពីការទាមទារ ដោយប្រការណាមួយរបស់អស់លោកមន្ត្រីគយនៅខេត្តព្រះសីហនុបានឡើយ មានន័យថាលោកគយកំណត់យ៉ាងណាគឺត្រូវតែបានយ៉ាងនោះ គឺថៅកែទំនិញនាំចូលគ្រប់ប្រភេទមានតែអង្វរទន់ឆ្អឹង ទាំងមេការិយាល័យគយទំនប់រលក ក៏ដូចជាលោក សំ សុវណ្ណារិទ្ធ មេសាខាគយនិងរដ្ឋាករខេត្តព្រះសីហនុ។ទំនិញគេចពន្ធច្រើនប្រភេទ រួមទាំងស្រាបៀរមិនត្រូវបានមន្ត្រីគយត្រួតពិនិត្យឲ្យបានល្អៗទេហើយជារឿយៗទំនិញទាំង នោះត្រូវគេខ្សឹបថា ជិតផុតកាលបរិច្ឆេទប្រើប្រាស់ទៀត ផង។ ប្រភពខ្សឹបថា ក្រៅពីទំនិញបង់ពន្ធមិនគ្រប់ឬទំនិញដែលជិតផុតការបរិច្ឆេទប្រើ ប្រាស់នោះ ក៏នៅមានទំនិញបង្កកជាប្រភេទសាច់ ដែលគេដឹកតាមទូកុងតឺន័រចូលមក ថែមទៀតផង។ ទំនិញសាច់បង្កកនេះកំពុងប្រឈមនឹងហានិភ័យខ្លាំងណាស់សម្រាប់ប្រជាពលរដ្ឋខ្មែរអ្នកក្រីក្រដែលទទួលទានសាច់ទាំងមានតម្លៃថោក ព្រោះតែគ្មានលទ្ធភាពទំនិញសាច់ក្នុងស្រុក។ មន្ត្រីគយនៅកំពង់ផែក្រុងព្រះសីហនុក៏ដូចជា ផែទំនប់ រលកមិនដែលខ្វល់ចំពោះការត្រួតពិនិត្យ ឲ្យបានល្អិតល្អន់ទៅ លើទំនិញនាំចូលទាំងនោះឡើយ។ប្រភពពីមន្ត្រីស្ថាប័នផ្សេងៗដែលប្រចាំការ នៅច្រកកំពុងផែខេត្តព្រះសីហនុ និយាយថា មានតែស្ថាប័នគយមួយប៉ុណ្ណោះដែលពួកឈ្មួញអ្នករកស៊ីដឹកទំនិញឆ្លងដែនទាំង ឡាយខ្លាចញញើតគេខ្សឹបថា សមត្ថកិច្ចស្ថាប័នដទៃ ដែលនៅក្នុងច្រកតែមួយគឺឈ្មួញឲ្យតែកាហ្វេគុយទាវបន្តិច បន្តួចប៉ុណ្ណោះ។ប៉ុន្តែបើសម្រាប់គយវិញគឺគ្រប់ទឹកតែម្ដងជាពិសេសលោក សំ សុវណ្ណារិទ្ធ ដែលមិនសូវចូលធ្វើការក៏ពិតមែនប៉ុន្តែពួកឈ្មួញគ្រាន់តែឮឈ្មោះគឺញាក់សាច់ទៅហើយនិយាយរួមគយនៅតំបន់មាត់ សមុទ្រខេត្តព្រះសីហនុទាំងលោក សំ សុវណ្ណារិទ្ធ និងលោក ណុប សំអាន គ្រាន់តែឈ្មួញឮឈ្មោះក៏ញាក់សាច់ទៅហើយ ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ptv)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ptv)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ptv)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ptv)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ptv)
វីដែអូ