មេប៉ុស្តិ៍នគរបាលខ្សែរបន្ទាត់ព្រំដែនច្រកស្លាប ក្រុងបាវិតហៅច្រកទឹកត្រីនិងទាហ៊ាន បើកដៃអោយក្រុមឈ្មួញវៀតណាមសម្រុកដឹកជញ្ជូនទំនិញគេចពន្ធទំនិញខូចគុណភាពពីប្រទេសវៀតណាមចូលមកប្រទេសខ្មែរយ៉ាងពេញបន្ទុក
.jpg)
ខេត្តស្វាយរៀង៖ប្រភពពីប្រជាពលរដ្ឋរស់នៅជិតខាងខ្សែបន្ទាត់ព្រំដែនច្រកស្លាបក្រុងបាវិត ហៅច្រកទឹកត្រី បានឲ្យដឹងថា មេប៉ុស្តិ៍នគរបាលច្រកស្លាបក្រុងបាវិតហៅច្រកទឹកត្រីនិងទាហ៊ានសហការគ្នា លំហូរជនជាតិវៀតណាមនិងឈ្មួញវៀតណាមសម្រុកដឹកជញ្ជូនទំនិញគេចពន្ធនិងទំនិញខូចគុណភាពចូលយ៉ាងគំហ៊ុករាល់ថ្ងៃ រីឯលោកមេប៉ុស្តិ៍នគរបាលច្រកមួយនេះ និងស្ថាប័នពាក់ព័ន្ធ រួមទាំង ទាហ៊ាន នាំគ្នារក្សាភាពស្ងៀម ស្ងាត់.បណ្ដោយអោយក្រុមឈ្មួញវៀតណាមធ្វើអ្វីៗតាមទំនើងចិត្ត។ការដែលជនជាតិវៀតណាម ឆ្លងដែនចូលខ្មែរ មករកសុីនៅក្រុងបាវិត ខេត្តស្វាយរៀង និងមកដេីរលក់ឆ្នោតល្បែងផ្សេងៗ បានយ៉ាងសុខស្រួលបំផុត នោះដោយសាមានការបើកមេប៉ុស្តិ៍នគរបាលប្រចាំច្រកនិងទាហ៊ាន សមត្ថកិច្ចពាក់ព័ន្ធនៅច្រករបៀងព្រំដែនស្លាបក្រុងបាវិត ហៅច្រកទឹកត្រី មិនទាន់ចាត់វិធានការទប់ស្កាត់និងបង្ក្រាបនោះទេខ្លាចបាត់ ប្រយោជន៍។
ប្រភពបន្តថា ក្រុមឈ្មួញវៀតណាមតូច ធំសម្រុកឆ្លងដែនដឹកជញ្ជូនទំនិញគេចពន្ធទំនិញខូចគុណ ភាពផ្សេងៗ តាមម៉ូតូ ឬរម៉កម៉ូតូ ចូលមកក្រុងបាវិត រីឯមេប៉ុស្តិ៍នគរបាលច្រករបៀង ព្រំដែនស្លាបក្រុងបាវិត ហៅច្រកទឹកត្រីនិងទាហ៊ាន រួមនឹងសមត្ថកិច្ចពាក់ព័ន្ធនៅក្រុងស្វាយរៀង ធ្វើមិនដឹងមិនឬអ្វីទាំង អស់ បណ្តោយអោយឲ្យជនជាតិវៀតណាម និងឈ្មួញវៀតណាមដឹកជញ្ជូនទំនិញគេចពន្ធទំនិញខូចគុណភាពចូលមកខ្មែរដោយរលូន។
ដូច្នេះហើយទើបសមត្ថកិច្ចពាក់ព័ន្ធក្រុងបាវិត និងលោកមេប៉ុស្តិ៍នគរបាលច្រករបៀងព្រំដែនទឹកត្រី និងទាហ៊ាន អាចប្រើអំណាច និងតួនាទី របស់ខ្លួនប្រមូលលុយ បានយ៉ាងច្រើនសន្ធឹកសន្ធាប់ក្នុងមួយខែៗ ប្រហែលជាអាងខ្នងបង្អែករឹងមាំ ខេត្តនៅពី ក្រោយទេដឹង? ទេីបហ៊ានបណ្ដែតបណ្ដោយ ឲ្យជនជាតិវៀតណាម និងឈ្មួញវៀតណាមឆ្លងដែនដឹកទំនិញគេចពន្ធទំនិញខូចគុណភាពចូលមកប្រទេសខ្មែរតាមទំនេីងចិត្ត មិនខ្វល់ពីការរិះគន់អ្វីទាំងអស់។
ដែលបញ្ហានេះទើបប្រជាពលរដ្ឋរស់នៅ សង្កាត់បាវិត ក្រុងបាវិត អំពាវនាវដល់ថ្នាក់ដឹកនាំក្រសួងមហាផ្ទៃ និង ឯកឧត្តម ប៉េង ពោធិ៍សា អភិបាលខេត្តស្វាយរៀង និងលោក ពេជ្រ វិរះ ស្នងការដ្ឋាននគរបាលខេត្តស្វាយរៀង ពិនិត្យឡេីងវិញខ្លះផង ភាពមិនប្រក្រតីប្រព្រឹត្តរបៀបអំពើពុករលួយរបស់នាយប៉ុស្តិ៍នគរបាលច្រករបៀងព្រំដែនស្លាបក្រុងបាវិត ហៅច្រកទឹកត្រី រួមទាំងទាហ៊ាន សមត្ថកិច្ចពាក់ព័ន្ធប្រចាំច្រកមួយនេះបណ្ដែតបណ្ដោយ ជនជាតិវៀតណាម និងឈ្មួញវៀតណាមលំហូរទំនិញគេចពន្ធទំនិញខូចគុណភាពពីប្រទេសវៀតណាមចូលមក ប្រទេសខ្មែរតាមច្រករបៀងព្រំដែនស្លាបក្រុបាវិត ហៅច្រកទឹកត្រីយ៉ាងពេញបន្ទុក មិនទាន់ឃើញសមត្ថកិច្ចមានវិធានការទប់ស្កាត់និងបង្ក្រាបឲ្យបានត្រឹមនៅឡើយទេ៕
