ប្រធាននិងអនុប្រធានស្ថានីយ៍ជញ្ជីងថ្លឹងរថយន្តនិងបក្សពួកគាបយកលុយពីក្រុមឈ្មួញទ្វេដងនៅភូមិអូរពោរឃុំរមណីស្រុកររៀងខេត្តព្រះវិហារមិនញញើតអ្វីទាំងអស់អាងខ្នងប្រធានមន្ទីរសាធារណការខេត្ត?
.jpg)
អំពើពុករលួយរបស់ប្រធានជញ្ចីងនិងមន្ត្រីស្ថានីយ៍ជញ្ជីងថ្លឹងរថន្តនៅភូមិអូរពោរឃុំរមណីស្រុកររៀងខេត្តព្រះវិហារបានប្រែក្លាយទៅជាជញ្ជីងថ្លឹងលុយគ្រប់ពេលវេលាមិនថាថ្ងៃមិនថាយប់ធ្វើអោយពួកក្រុមឈ្មួញមានការមិនពេញចិត្តជាខ្លាំង។
ប្រភពពីក្រុមអ្នករកស៊ីដឹកជញ្ជូនទំនិញឆ្លងឆ្លងកាត់ភូមិអូរពោរឃុំរមណីស្រុកររៀងខេត្តព្រះវិហារបានឲដឹងថា ករណីមន្ត្រីដែលប្រចាំការនៅស្ថានីរថយន្តនៅទីនោះ ប្រែក្លាយទៅជាស្ថានីយ៍ជញ្ជីងថ្លឹងលុយ។
ទោះបីជារថយន្តដឹកទំនិញមិនលើសទម្ងន់ ក៏មន្ត្រីប្រចាំការនៅស្ថានីយ៏ជញ្ជីងថ្លឹងរថយន្តនៅភូមិអូរពោរទារលុយថ្លៃបាយទឹកនិងកាហ្វេផងដែរ វាក្លាយទៅជាទម្លាប់ក្នុងសង្គមគួរឲ្យស្អប់ខ្ពើមជាទីបំផុត ។
ក្រុមឈ្មួញនិងអាជីវករដឹកទំនិញឆ្លងកាត់ស្ថានីយ៍ជញ្ជីងភូមិអូរពោរឃុំរមណីស្រុកររៀងខេត្តព្រះវិហារបានឲ្យដឹងថារថយន្តដឹកលេីសទម្ងន់ឬមិនលេីសទម្ងន់ក៍តម្រូវឲ្យបង់លុយតាមការកំណត់ មិនរំលងបានឡើយ។
ដូច្នេះហើយសូម លោក ប្រធានមន្ទីរសាធារណការ និងដឹកជញ្ជូន ខេតព្រះវិហារមិនគួរបណ្ដែតបណ្ដោយអោយប្រធានស្ថានីយ៍ជញ្ជីងថ្លឹងនិងអនុប្រធានស្ថានីយ៍ជញ្ជីងថ្លឹងរថយន្តនៅភូមិអូរពោរឃុំរមណីស្រុកររៀងខេត្តព្រះវិហារប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃតាមអំពេីចិត្តតទៅទៀតនោះឡើយ។
ប្រភពពីមន្ត្រីសាធារណការនិងដឹកជញ្ជូនខេត្តព្រះវិហារ បានអោយដឹងថា ដោយមានការឃុបឃិតគ្នាពីថ្នាក់ដឹកនាំមន្ទីរ ទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្ត ខាងលើរកវិធីសាស្ត្រគ្រប់បែប យ៉ាងដើម្បីប្រមូលលុយឲ្យបានច្រើន ពីព្រោះវាជាមុខមាត់របស់ស្ថានីយ៍ជញ្ជីងថ្លឹងនិងមានចំណូលដាក់ក្នុងហោប៉ៅបានច្រើនចែកគ្នាធ្វើមានធ្វើបានផង។ ក្រុមអ្នកបើករថយន្តភាគច្រើនបានព្យាយាមគេចវាងតាមផ្លូវផ្សេងព្រោះតែមន្ត្រីនៅប្រចាំការនៅស្ថានីយ៍មួយនេះទារលុយច្រើនៗបើទោះប្បីជារថយន្តមានការដឹកទំនិញលើសទម្ងន់បន្តិចបន្តួចក៏ដោយ។
ជាងនេះទៅទៀតបើទោះប្បីជារថយន្តដឹកទំនិញមិនលើសទម្ងន់ក៏មិនត្រូវហាមាត់លូកដៃទារលុយថ្លៃបាយទឹកកាហ្វេប្រចាំថ្ងៃនោះដែរ ព្រោះអ្នករកស៊ីដឹកទំនិញទទួល ស្គាល់ថា រថយន្ដដឹកជញ្ជូនទំនិញអាចមានលើសទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ រីឯពួកមន្ត្រីដែលប្រចាំការនៅស្ថានីយ៍ជញ្ជីងថ្លឹងររថយន្តនោះអោយតែមានរថយន្តដឹកទំនិញលើសទម្ងន់ដើម្បីសង្កត់ ក យកលុយតែប៉ុណ្ណោះ ទោះប្បីរថយន្ដដឹកទំនិញលើសទម្ងន់ឬមិនលើសទម្ងន់ត្រូវតែបង់លុយតាមការកំណត់របស់ប្រធានស្ថានីយ៍ជញ្ជីងថ្លឹងរថយន្ដចំណុចខាងលើមិនអាចតវ៉ាបាន។
ពាក់ព័ន្ធមន្ត្រីប្រចាំនៅស្ថានីយ៍ជញ្ជីងថ្លឹងរថយន្តភូមិអូរពោរឃុំរមណីស្រុកររៀងខេត្តព្រះវិហារ ពិតជាបង្កអោយមានការក្តៅក្រហាយដល់អ្នករកស៊ីដឹកជញ្ជូនទំនិញនានាហើយជាពិសេសពួកអ្នកដឹកទំនិញមួយចំនួនឆ្លៀតឱកាសវាងផ្លូវ ដែលបណ្ដាលឲ្យផ្លូវដ៍ទៃទៀត នឹង ស្ពាន ខូចខាតបាក់ស្រុតជាបន្ដបន្ទាប់។
ក្រុមអ្នកបើករថយន្ត សូមអំពាវនាវដល់ថ្នាក់ដឹកនាំក្រសួងស្ថាប័នពាក់ព័ន្ធ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន
លោក សេង ឈួន រដ្ឋលេខាធិការក្រសួង សាធារណការនិងជាប្រធាន គណៈកម្មការ សម្របសម្រួល ជញ្ជីងថ្លឹងរថយន្តចល័តទូទាំងប្រទេស នឹង លោក គីម រិទ្ធី អភិបាលនៃគណៈអភិបាលខេត្តព្រះវិហារ មិនគួរបណ្ដែតបណ្ដោយឲ្យប្រធាន.អនុប្រធានស្ថានីយ៍ជញ្ជីងថ្លឹងរថយន្តនិងបក្សពួកនៅភូមិអូរពោរឃុំរមណីស្រុកររៀងខេត្តព្រះវិហារប្រែក្លាយទៅជាជញ្ជីងថ្លឹងលុយទាំងយប់ទាំងថ្ងៃប្រព្រឹត្តរបៀបអំពើពុករលួយមិនញញើតអង្គភាពប្រឆាំងអំពើពុករលួយ។
