ទីតាំងល្បែងស៊ីសងអនឡាញខុសច្បាប់ យីហោ (កាហ្វេរួមមិត្ត 168) ដែលមានទីតាំងផ្លូវបេតុង ភូមិសំបូរ សង្កាត់/ខណ្ឌដង្កោ កំពុងតែបានដំណើរការជាធម្មតា ខណៈដែលអាជ្ញាធរមូលដ្ឋានហាក់មិនទាន់បានជ្រាបជាដំណឹង ! សូមលោក ជេម ស៊ីថា អធិការនគរបាលខណ្ឌដង្កោ ចាត់មន្ត្រីជំនាញចុះត្រួតពិនិត្យផងទាន!! ឯណា ភូមិ/សង្កាត់មានសុវត្ថិភាព របស់រាជរដ្ឋាភិបាល !!!?
រាជធានីភ្នំពេញ÷ យោងតាមប្រព័ត៌មានដែលបានផ្ដល់មកថា ទីតាំងល្បែងស៊ីសងខុសច្បាប់ យីហោ “កាហ្វេរួមមិត្ត 168” ដែលមានទីតាំងផ្លូវបេតុង ភូមិសំបូរ សង្កាត់/ខណ្ឌដង្កោ កំពុងតែបានដំណើរការជាធម្មតា ខណៈដែលអាជ្ញាធរមូលដ្ឋានមិនទាន់បានជ្រាបជាដំណឹង! គឺកំពុងតែបើកដំណើរការទទួលភ្ញៀវយ៉ាងគគ្រឹកគគ្រេង ដែលទីតាំងខាងលេីនេះ យីហោ (កាហ្វេរួមមិត្ត 168) ដែលមានទីតាំងផ្លូវបេតុង ភូមិសំបូរ សង្កាត់/ខណ្ឌដង្កោ រាជធានីភ្នំពេញ។
បើយោងរតាមប្រភពបានបញ្ជាក់បន្ថែមទៀតថា÷ ទីតាំងកំពុងតែលួចលាក់បើកទទួលភ្ញៀវចូលលេងយ៉ាងកគ្រឹកកគ្រេង រីឯសមត្ថកិច្ចក្នុងមូលដ្ឋានបែរជាមិនដឹងទៅវិញ! នោះអាចជារឿងមួយមានអ្វីមិនប្រក្រតីហេីយ។
យោងតាមប្រភពដែលអង្គភាពសារព័ត៌មានយើងទទួលបានពីទីតាំង ដែលបានលួចលាក់ ឬលេងល្បែងភ្នាល់ស៊ីសងខុសច្បាប់ សូម លោក តុប មូនី នាយប៉ុស្តិ៍នគរបាល សង្កាត់ដង្កោ និង លោក ជេម សុីថា អធិការនៃអធិការដ្ឋាននគរបាលខណ្ឌដង្កោ សូមចុះអធិការកិច្ច ចាត់មន្ត្រីជំនាញ ចុះពិនិត្យទីតាំងខាងលើនេះផងទាន! ដើម្បីរក្សាសុខសុវត្ថិភាពជូនដល់ប្រជាពលរដ្ឋ ដែលរស់នៅក្បែរទីតាំងនោះ ជាពិសេសរក្សានៅពាក្យស្លោក ភូមឃុំមានសុវត្ថិភាព គ្មានអំពើឆក់ ប្លន់និងករណីផ្សេងៗ ដែលប្រមុខរាជរដ្ឋាភិបាល ដាក់ឱ្យអនុវត្តន៏ ។
យោងកិច្ចប្រជុំនៅទីស្ដីការក្រសួងមហាផ្ទៃកាលពីរសៀលថ្ងៃទី៥ ខែធ្នូ ឆ្នាំ២០២៤ លោកឧបនាយករដ្ឋមន្ត្រី ស សុខា បានប្រាប់អភិបាលរាជធានី-ខេត្ត និងលោកស្នងការរាជធានី-ខេត្ត ឱ្យចាត់វិធានការរុះរើ និងហាមដាក់ផ្ទាំងបដាផ្សព្វផ្សាយល្បែងតាមដងផ្លូវ ទីសាធារណៈ លើកលែងបដាតាមកាស្របច្បាប់ លើសពីនេះ លោករដ្ឋមន្ត្រី ថែមទាំងបញ្ជាឱ្យស្រាវជ្រាវ បង្ក្រាបទីតាំងផ្ទះដែលបង្កលក្ខណៈឱ្យមានការលេងល្បែងតាមអនឡាញ ហើយធ្វើរបាយការណ៍ជូនអគ្គស្នងការដ្ឋាននគរបាលជាតិ និងរាយការណ៍បន្តទៅកាន់ថ្នាក់ដឹកនាំក្រសួងមហាផ្ទៃ។
សូមរំលឹកថា÷ កាលពីថ្ងៃ ទី១៨ ខែកុម្ភៈ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្ក្រាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។
សូមបញ្ជាក់បន្ថែមឡើងវិញថា÷ ជុំវិញការបើកល្បែងស៊ីសងខុសច្បាប់ យីហោ (កាហ្វេរួមមិត្ត 168) ដែលមានទីតាំងភូមិសាស្ត្រផ្លូវបេតុង ភូមិសំបូរ សង្កាត់ដង្កោ ខណ្ឌដង្កោ រាជធានីភ្នំពេញ នេះ គឺបានបង្កឲ្យមានផលប៉ះពាល់ដល់កិច្ចការងារដឹកនាំរបស់រាជរដ្ឋាភិបាល បង្កឱ្យមានអសន្តិសុខនៅក្នុងមូលដ្ឋានដែលជាដើមហេតុបណ្ដាលមកពីមានចោរលួចចោរឆក់ចោរប្លន់នេះទេ។ល។ ជាដើម ។ ហើយជាងនេះទៅទៀតបង្កមានអំពើហិង្សានៅក្នុងរង្វង់គ្រួសារនីមួយៗ ដែលអាចនឹងកើតឡើងជាយថាហេតុធម៌ថាបាន។
បើទោះជាយ៉ាងណាក៏ដោយសម្រាប់សាធារណជនក៏ដូចជាអង្គការសង្គមស៊ីវិលនឹងមានជំនឿជឿជាក់ថា÷ សូម លោកស្រី កឹម ញឹប អភិបាលនៃគណៈអភិបាលខណ្ឌដង្កោ រាជធានីភ្នំពេញ និង លោក ជឹម សុីថា អធិការនគរបាលខណ្ឌដង្កោ នឹងចាត់វិធានការដើម្បីជៀសវាងមានការរិះគន់ពីសាធារណជនទូទៅ និងនាំឲ្យមានផលប៉ះពាល់ដល់សង្គមជាតិទាំងសន្តិសុខ សុវត្ថិភាព និងសុខមាលភាព។
ជុំវិញនឹងការចុះផ្សាយខាងលើ អង្គភាពយើងខ្ញុំ ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ ព្រមទាំងរង់ចាំទទួលការបកស្រាយ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ៕ សូមអគុណ
